Avtomobil icarə platforması|

Azərbaycanın ən böyük rəqəmsal avtomobil icarə platforması. Fərdi şəxslərin və rent a car şirkətlərinin sənədi yoxlanılmış maşınları — bron, ödəniş və təhvil bir tətbiqdə, sürprizsiz.

Asanlıqla seç, ödə və 5 dəqiqədə təhvil al

Axtarış, bron, ödəniş, təhvil və yazışma — ofisə getmədən, bir tətbiqdən.

1. Asanlıqla seç

Şəhər üzrə sənədi yoxlanılmış maşınlar arasından istədiyini saniyələr içində tap.

2. Şəffaf və güvənli ödə

Gizli komissiya yoxdur. Qiymət və şərtlər öncədən görünür, kartla təhlükəsiz ödə.

3. 5 dəqiqədə təhvil al

Ofis növbəsi və kağız yoxdur. Tətbiqdən rəqəmsal foto-aktla təhvil al və yola çıx.

Tətbiqi yüklə və dərhal başla:

Maşın seçimindən qaytarmaya qədər — bir neçə dəqiqədə.

Niyə Carent

Maşın kirayələyəndə hamının qorxduğu şeylər var: maşının vədə uyğun çıxmaması, depozitin geri alınmaması, qaytaranda ortaya atılan zədə iddiası və sonradan çıxan əlavə ödənişlər. Aşağıda bunların hər birinin Carent-də necə həll olunduğu yazılıb.

Vurmadığın zədəyə görə ödəmirsən

Kirayədə ən çox yaşanan problem budur: maşını qaytarırsan, sənə səndən əvvəl olan cızığın pulunu çıxarırlar. Carent-də təhvil alanda və qaytaranda maşının vəziyyəti tətbiqdən fotolarla qeydə alınır. İddia irəli sürülsə söz danışmır — foto danışır.

Depozit üçün didişmək yoxdur

Maşınların böyük əksəriyyətində depozit ümumiyyətlə tələb olunmur. Tələb olunan az saydakı halda məbləğ elanın detal səhifəsində — sən bron etməmişdən əvvəl — yazılır. Nə qədər verəcəyini və nə vaxt geri alacağını əvvəlcədən bilirsən.

Sənədi yoxlanmamış maşın elana çıxmır

Elan avtomatik yayımlanmır. Maşının texniki pasportu, etibarnaməsi və icbari sığorta sənədi Carent tərəfindən bir-bir yoxlanılır — sığortası qüvvədə olmayan və ya sənədi uyğun gəlməyən maşın axtarışda ümumiyyətlə görünmür. Sənə təklif olunan hər maşın bu yoxlamadan keçib.

Qarşındakının sənədi görülüb

Elan yerləşdirmək üçün şəxsiyyət vəsiqəsi və sürücülük vəsiqəsi yüklənməlidir; rent-a-car şirkətləri isə VÖEN və dövlət qeydiyyatı sənədi təqdim etməlidir. Bunlar Carent tərəfindən yoxlanılır. Yəni qarşındakı sadəcə «qeydiyyatdan keçmiş» hesab deyil — sənədi yoxlanmış adamdır.

Sonradan çıxan əlavə ödəniş yoxdur

Gündəlik qiymət, xidmət haqqı, kilometr limiti, yanacaq qaydası, çatdırılma və ləğv şərti — hamısı bron ekranında əvvəlcədən görünür. Maşını götürəndə «bir də bunu ödəməlisən» deyilmir: razılaşdığın məbləğ ödəyəcəyin məbləğdir.

Hər şey tətbiqdə olduğu üçün asan həll olunur

Bron, ödəniş, yazışma və təhvil fotoları — hamısı tətbiqin içindədir və qeyd olaraq saxlanılır. Problem yaranarsa bu qeydləri araşdırmaya təqdim edirik; kimin nə dediyi yox, nəyin qeydə alındığı əsas götürülür. Qayda pozan hesaba qarşı tədbir görürük.

Bu sistem bir-birimizi qorumaqla işləyir

Səfər bitəndə maşın sahibi haqqında rəy yazırsan — növbəti kirayəçi məhz sənin yazdığını oxuyacaq. Maşın sahibi də sənin haqqında yazır və bu, sonrakı kirayələrdə sənə etibar qazandırır.

Rəyini yazmağı unutma. Səndən əvvəlkilər yazdığı üçün sən indi kimə etibar edəcəyini bilirsən.