Question 1

Carent nədir və necə işləyir?

Accepted Answer

Carent maşın kirayə platformasıdır: bir yerdə həm şəxslərin, həm rent-a-car şirkətlərinin maşınlarını tapırsan. Tətbiqdən tarix və məkanı seçib maşını bron edirsən, online ödəyirsən, maşın sahibi təsdiqləyəndən sonra maşını təhvil alırsan. Ofisə getmək və kağız doldurmaq yoxdur.

Azərbaycanda rent a car götürməzdən əvvəl bilmək istədiyin hər şey. Cavabı tapa bilmədinsə dəstəkdən bizə yaz. destek@carent.az

Question 2

Maşını necə kirayələyirəm?

Accepted Answer

Tətbiqi yüklə, profilini təsdiqlə, maşını seç və bron istəyi göndər. Kirayə haqqı bron yaradılan anda online ödənilir. Maşın sahibi istəyi qəbul edəndən sonra tətbiq daxilində qorunan chat açılır və təhvil detallarını orada razılaşdırırsınız.

Question 3

Kirayələmək üçün nə lazımdır?

Accepted Answer

18 yaşınız tamam olmalı, etibarlı sürücülük vəsiqəniz olmalı və Carent hesabınız şəxsiyyət təsdiqindən keçməlidir. Maşın sahibi öz elanında əlavə şərt (məsələn minimum sürücülük stajı) təyin edə bilər — belə şərtlər elan səhifəsində açıq yazılır.

Question 4

Hansı sənədlər tələb olunur?

Accepted Answer

Azərbaycan vətəndaşları üçün şəxsiyyət vəsiqəsi (ön və arxa) və FIN kod; digər ölkə vətəndaşları üçün pasportun məlumat səhifəsi. Hər iki halda sürücülük vəsiqəsi tələb olunur. Yüklədiyiniz sənədləri maşın sahibi görmür — onlar qapalı anbarda saxlanılır.

Question 5

Depozit tələb olunur?

Accepted Answer

Əksər maşınlarda depozit tələb olunmur. Tələb olunursa, bu, elanın detal səhifəsində — siz bron etməzdən əvvəl — açıq yazılır, ona görə gözlənilməz məbləğlə qarşılaşmırsınız. Depozit online tutulmur: maşını götürəndə birbaşa maşın sahibinə verilir və maşını qaydasında qaytardıqda geri alırsınız.

Question 6

Nə vaxt ödəyirəm?

Accepted Answer

Kirayə haqqı bron yaradılan anda online ödənilir. Maşın sahibi bronu təsdiqləməsə, məbləğ tam geri qaytarılır.

Question 7

Qiymətə nə daxildir?

Accepted Answer

Elanda göstərilən gündəlik kirayə haqqı və xidmət haqqı. Çevik tarifi seçsəniz üzərinə kiçik bir əlavə haqq gəlir. Çatdırılma xidmətini seçsəniz onun haqqı ayrıca hesablanır — məbləğini maşın sahibi təyin edir. Bütün haqların siyahısı Haqlar səhifəsindədir.

Question 8

Kilometr limiti var?

Accepted Answer

Maşın sahibi elanda gündəlik kilometr limiti təyin edə bilər. Limit varsa elan səhifəsində yazılır; limit aşılarsa maşın sahibi əlavə haqq tələb edə bilər. Limit təyin edilməyibsə belə bir məhdudiyyət yoxdur.

Question 9

Yanacağı kim ödəyir?

Accepted Answer

Yanacaq siyasəti elanda göstərilir. Adətən qayda belədir: maşını hansı yanacaq səviyyəsində götürmüsünüzsə, o səviyyədə qaytarırsınız. Fərq varsa maşın sahibi yanacaq haqqı tələb edə bilər.

Question 10

Maşını başqası sürə bilər?

Accepted Answer

Yalnız bron sahibi maşını idarə edə bilər. Əlavə sürücü yalnız maşın sahibinin açıq razılığı ilə mümkündür. Maşını üçüncü şəxsə vermək və ya təkrar kirayəyə vermək qadağandır — bu qayda pozularsa sığorta ödəməkdən imtina edə bilər və zərər sizin üzərinizə düşür.

Question 11

Maşın mənə çatdırıla bilər?

Accepted Answer

Maşın sahibi çatdırılma xidməti təklif edirsə, bron zamanı seçə bilərsiniz. Çatdırılma haqqının məbləğini maşın sahibi təyin edir və bron ekranında görünür.

Question 12

Maşını ölkədən çıxara bilərəm?

Accepted Answer

Xeyr. Maşın yalnız Azərbaycan Respublikasının ərazisində istifadə oluna bilər; ölkədən çıxarmaq maşın sahibinin yazılı razılığı olmadan qadağandır. Maşın həmçinin yalnız şəxsi məqsədlə istifadə olunur — taksi, kuryer və digər kommersiya daşımaları qadağandır.

Question 13

Çevik və Sərfəli tarif arasındakı fərq nədir?

Accepted Answer

Çevik tarifdə səfər başlayana qədər istənilən vaxt ləğv edə və online ödədiyiniz məbləği tam geri ala bilərsiniz; əvəzində kirayə məbləğinin üzərinə kiçik bir əlavə haqq gəlir. Sərfəli tarifdə əlavə haqq yoxdur, amma pulsuz ləğv pəncərəsi məhduddur. Tarifi bron yaradarkən özünüz seçirsiniz.

Question 14

Maşın sahibi ləğv etsə nə olur?

Accepted Answer

Online ödədiyiniz məbləğ tarifdən asılı olmayaraq tam qaytarılır və sizə dərhal bildiriş gedir. Belə ləğvləri qeydə alırıq və təkrarlanan hallarda maşın sahibinə qarşı tədbir görürük.

Question 15

Maşın elanda göstərildiyi kimi deyilsə nə edim?

Accepted Answer

Maşını təhvil almadan əvvəl vəziyyəti fotolarla qeydə alın və dərhal tətbiq daxilindəki chat-dan maşın sahibinə yazın — yazışma qeyd olaraq qalır. Məsələ həll olunmazsa dəstəyə müraciət edin: bron detallarını, yazışmanı və təhvil fotolarını araşdırmaya cəlb edirik.

Question 16

Qəza baş verərsə nə etməliyəm?

Accepted Answer

Əvvəlcə təhlükəsizliyi təmin edin. Yaralı varsa təcili yardımı (103), sonra mütləq polisi (102) çağırın — rəsmi protokol olmadan sonrakı proses çox vaxt mümkün olmur. Hadisə yerini fotolarla qeydə alın. Bundan sonra tətbiqdən maşın sahibinə xəbər verin: sığorta ilə bağlı bütün lazımi bildirişləri o aparır, siz sığorta şirkəti ilə ayrıca məşğul olmursunuz. Carent dəstəyi də yanınızdadır — bron və yazışma qeydlərini təqdim edir, prosesdə sizə lazım olan dəstəyi göstəririk. Mübahisəli hallar Azərbaycan Respublikasının qanunvericiliyi çərçivəsində həll olunur.

Question 17

Maşınlar sığortalıdır?

Accepted Answer

Bəli. Carent-də elan olunan bütün maşınların icbari sığortası var — sığorta sənədi elan yayımlanmazdan əvvəl bizim yoxlamamızdan keçir, sənədi olmayan maşın axtarışda görünmür. Bəzi maşınlarda bundan əlavə kasko da olur. Hansı maşının hansı sığortası olduğu elanın detal səhifəsində yazılır, ona görə bron etməzdən əvvəl görürsünüz.

Question 18

Maşın sahibi ilə necə əlaqə saxlayıram?

Accepted Answer

Bron təsdiqlənəndən sonra maşın sahibinin telefon nömrəsi sizə açılır və birbaşa zəng edə bilərsiniz. Buna baxmayaraq ünsiyyəti tətbiq daxilindəki chat üzərindən qurmağınızı tövsiyə edirik: orada razılaşdığınız hər şey qeyd olaraq qalır və mübahisə yaranarsa sizi qoruyur.

Question 19

Ödəməsəm bron nə qədər qalır?

Accepted Answer

Ödənilməmiş bron qısa müddət ərzində avtomatik ləğv olunur və tarixlər yenidən digər kirayəçilərə açılır.

Tez-tez verilən suallar