Ləğv və Geri Ödəniş Siyasəti

Bu Ləğv və Geri Qaytarma Siyasəti ("Siyasət") "KORACL" MMC-yə ("KORACL MMC", "biz", "bizim") məxsus carent.az internet saytında və Carent mobil tətbiqində ("Carent App", "Platforma") qeydiyyatdan keçmiş kirayəçilər tərəfindən yaradılan rezervasiyaların ləğv edilməsi, təhvil imtinası, gəlməmə halları və vəsaitlərin kirayəçiyə geri qaytarılması qaydalarını tənzimləyən rəsmi və hüquqi qüvvəyə malik sənəddir.

Son yenilənmə tarixi: 02 sentyabr 2026-cı il
Saat qurşağı: Bütün saat və müddət hesablamaları Bakı vaxtı ilə (UTC+04:00) aparılır. İstifadəçinin mobil cihazındakı saat qurşağı fərqli olsa belə, sistem qərarları Bakı vaxtına əsasən qəbul edilir.
Dəyərlərin tətbiqi: Aşağıda qeyd olunan müddət və faiz dərəcələri cari qaydalardır. Hesablamalar həmişə rezervasiyanın yaradıldığı andakı qüvvədə olan faiz və şərtlərlə aparılır.

Avtomobil Sahibləri (Hostlar) üçün Məlumat: Avtomobil sahiblərinin bron idarəetməsi, ləğvetmə məsuliyyəti, "kirayəçi gəlmədi" qaydası və qazancın balansa köçürülməsi şərtləri birbaşa Avtomobil Sahibi Müqaviləsi (§5) ilə tənzimlənir.

---

1. Əsas Anlayışlar və Maliyyə Strukturu

---

2. Tarif Modelləri və Ləğv Prinsipləri

Carent istifadəçilərinə rezervasiya zamanı iki fərqli tarif seçimi təqdim edir:

Mühüm Qeyd: Çevik tarifin tam geri ödəniş zəmanəti yalnız səfər saatına qədər qüvvədədir. Səfər saatı çatdıqdan sonra hər iki tarif eyni qaydalara tabe olur.

---

3. Kirayəçi üçün Ləğv Qaydaları

3.1. Ləğv Nə Vaxta Qədər Mümkündür?

Tətbiqdə rezervasiyanı ləğv etmək düyməsi aşağıdakı şərtlər daxilində aktivdir:

1. Rezervasiya "gözləyir" və ya "qəbul edilib" statusundadır;
2. Kirayəçi avtomobili təhvil aldığını tətbiqdə hələ təsdiqləməyib.

DİQQƏT: Kirayəçi avtomobili təhvil aldığını təsdiqlədikdən sonra rezervasiyanı ləğv etmək qətiyyən mümkün deyildir. Bu andan etibarən icarə rəsmən başlamış sayılır və yalnız vaxtından əvvəl qaytarma proseduru tətbiq edilə bilər.

3.2. Kirayəçi Tərəfindən Ləğv Nəticələri — Tam Cədvəl

Qaydalar:

• Peşmançılıq pəncərəsi yalnız son dəqiqə (səfərə 24 saatdan az qalmış edilən) bronlar üçündür. Günlər əvvəl edilmiş bron son saatlara düşəndə bu pəncərə tətbiq olunmur.
• Çatdırılma haqqı xidmət faktiki göstərilmədiyi bütün ləğv hallarında kirayəçiyə həmişə tam geri qaytarılır.

3.3. Dəqiq Hesablama Düsturu və Nümunə

Hesablama Düsturu:
Tutulan kirayə məbləği = (Ümumi kirayə məbləği ÷ Günlərin sayı) × Tutulma günlərinin sayı
Ümumi tutulan məbləğ = Tutulan kirayə məbləği + Həmin günə aid Carent xidmət haqqı
Kartınıza qaytarılan məbləğ = Ödədiyiniz onlayn məbləğ − Ümumi tutulan məbləğ

Nümunə Ssenari:
2 günlük kirayə, gündəlik 67.50 ₼ (ümumi kirayə 135.00 ₼), xidmət haqqı 8.14 ₼, cəmi onlayn ödəniş: 143.14 ₼. Depozit: 200.00 ₼ (nağd).

1. Səfərə 24 saatdan az qalmış ləğv edildikdə (Sərfəli tarif):
   • Tutulan 1 günlük kirayə: 67.50 ₼
   • Tutulan xidmət haqqı payı: 4.07 ₼
   • Cəmi tutulan cərimə: 71.57 ₼
   • Kirayəçinin kartına qaytarılan məbləğ: 71.57 ₼
2. Səfər saatından 2 saatdan çox keçdikdən sonra ləğv edildikdə:
   • Kirayəçinin kartına qaytarılan məbləğ: 0.00 ₼
   • Cəmi tutulan cərimə: 143.14 ₼ (avtomobil saxlanıldığı və vaxtında ləğv edilmədiyi üçün ödənilmiş məbləğ tam tutulur)

---

4. Maşını Qəbul Etməkdən İmtina (Təhvil İmtinası)

Kirayəçi avtomobili fiziki olaraq təhvil alma məntəqəsində görüb qəbul etməkdən imtina edə bilər. Bu proses adi ləğvetmədən tamamilə fərqlidir.

4.1. Nə Vaxt Mümkündür?

Tətbiqdə "Maşın və ya təhvil ilə problem var" seçimi yalnız təhvil anında aktivləşir:

• Maşın sahibi tətbiqdə təhvili təsdiqlədikdə, və ya
• Rəsmi səfər saatı çatdıqda.

(Çevik tarifdə səfər saatına qədər bu seçimə ehtiyac yoxdur, çünki adi ləğv onsuz da 100% tam geri ödəniş təmin edir).

4.2. İmtina Səbəbləri

Kirayəçi aşağıdakı rəsmi əsaslardan birini seçməlidir:

1. Maşın elandakı kimi deyil (model, il, komplektasiya uyğunsuzluğu);
2. Maşında ciddi zədə var (təhlükəsizliyə təsir edən qüsurlar);
3. Maşın təhlükəlidir (əyləc, təkər, sükan nasazlığı);
4. Maşın sahibi gəlmədi (təyin olunmuş yerdə iştirak etmədi);
5. Saxtakarlıq şübhəsi (sənəd və ya şəxsiyyət uyğunsuzluğu);
6. Fors-major (qəfil fövqəladə hallar);
7. Digər.

Tələblər: Səbəb seçmək və qısa izahat yazmaq məcburidir. Kirayəçi mütləq 5 ədədə qədər fotoşəkil əlavə etməlidir. Fotoşəkilsiz müraciətlərdə Carent Mübahisə Mərkəzinin kirayəçinin xeyrinə qərar verməsi çətinləşir.

4.3. Prosedur və Nəticə

1. Rezervasiya dərhal dayandırılır və avtomobilin təqvimi azad edilir;
2. Ödənilmiş məbləğ avtomatik qaytarılmır — Carent tərəfindən dərhal bloklanır;
3. Avtomobil sahibinin qazancı da bloklanır;
4. Carent ekspertləri hər iki tərəfin izahatlarını, GPS və foto sübutlarını araşdırır;
5. Əsaslı imtina təsdiqləndikdə, məbləğ kirayəçinin kartına tam qaytarılır.
6. Əsassız imtina aşkarlandıqda: Kirayəçiyə məbləğ tam qaytarılmaya bilər və ləğv cəriməsi tətbiq edilir.

---

5. Kirayəçinin 7 Günlük Şikayət Hüququ

Kirayəçi aşağıdakı hallarda Carent mobil tətbiqində rezervasiya detallarına daxil olaraq "Problem bildir" düyməsi ilə rəsmi şikayət verə bilər:

• Maşın sahibi əsassız olaraq "Kirayəçi gəlmədi" qeyd edibsə;
• Təhvil imtinası araşdırmasının nəticəsi ilə razı deyilsə;
• Səfər baş tutarkən və ya başa çatdıqdan sonra qarşı tərəfin qayda pozuntusu aşkarlanıbsa.

Müddət: Ləğv və ya səfərin bitmə anından etibarən dəqiq 7 təqvim günü.
Təminat: 7 günlük şikayət müddəti ərzində ödənilmiş vəsait mühafizə olunur və kirayəçinin əsaslandırılmış müraciətinə baxılmadan yekunlaşdırılmır.

---

6. Avtomatik Sistem Ləğvləri

Aşağıdakı hallarda rezervasiyalar heç bir tərəfin cəriməsi olmadan sistem tərəfindən avtomatik ləğv edilir:

1. Cavab müddəti: Maşın sahibi daxil olmuş sorğunu 24 saat ərzində cavablandırmadıqda sorğu ləğv edilir və kirayəçinin kartındakı blok açılır.
2. Ödəniş müddəti: Maşın sahibi sorğunu qəbul etdikdən sonra kirayəçi 24 saat ərzində ödənişi tamamlamadıqda rezervasiya ləğv edilir və təqvim azad olunur.
3. Ödəniş xətası: Kartdan vəsaitin silinməsi bank xətası səbəbindən baş tutmadıqda rezervasiya ləğv edilir və tərəflərə bildiriş göndərilir.

---

7. Geri Ödənişlərin Bank Prosessinqi və Müddətləri

• Bütün geri ödənişlər avtomatik olaraq ilkin ödənişin həyata keçirildiyi bank kartına qaytarılır.
• Vəsaitin bank hesabınızda əks olunması emitent bankın daxili qaydalarından asılı olaraq 5–10 iş günü ərzində tamamlanır.
• Əgər bank sistemi səbəbindən geri ödəniş baş tutmazsa, rezervasiya "iadə uğursuz" statusu alır və Carent maliyyə komandası məsələni əl ilə həll edir.

---

8. Tez-tez Verilən Suallar (FAQ)

Depozit necə geri qaytarılır?
Depozit nağd şəkildə avtomobil sahibinə verilir və onlayn ləğv sistemi ilə heç bir əlaqəsi yoxdur. Əgər avtomobili təhvil almamısınızsa, depozit də ödənilməmiş qalır.

Səfər saatından 15 dəqiqə sonra gəldim, ləğv etsəm nə baş verir?
Səfər saatından sonrakı 2 saatlıq gözləmə müddəti ərzində ləğv edildikdə hər iki tarifdə 1 günlük kirayə haqqı və ona düşən xidmət haqqı tutulur, qalan məbləğ geri qaytarılır.

Maşın sahibi görüşə gəlmədi, pulum necə olur?
Tətbiqdə ləğv düyməsini sıxaraq "Maşın və ya təhvil ilə problem var" → "Maşın sahibi gəlmədi" bəndini seçin. Vəsait dərhal bloklanır və Carent araşdırmasından sonra kirayəçiyə tam geri ödənilir.

Çevik tarif seçmişdim, niyə pulum tam qaytarılmadı?
Çevik tarifin 100% tam geri qaytarılma zəmanəti yalnız rəsmi səfər saatına qədər qüvvədədir. Səfər saatı keçdikdən sonra ümumi qaydalar tətbiq olunur.

---

9. Mübahisələrin Həlli və Fors-Major

Təbii fəlakət, hərbi vəziyyət, rəsmi dövlət məhdudiyyətləri və digər qarşısıalınmaz fors-major hallarda Carent rəhbərliyi tərəflərin müraciətinə fərdi qaydada baxaraq komissiyasız tam geri qaytarılma barədə xüsusi qərar qəbul edə bilər. Bütün mübahisəli məsələlər Azərbaycan Respublikasının qüvvədə olan qanunvericiliyinə uyğun olaraq səlahiyyətli məhkəmələrdə həll edilir.

---

10. Rəsmi Əlaqə

• Hüquqi Şəxs: "KORACL" MMC, Bakı şəhəri, Azərbaycan Respublikası
• Müştəri Dəstəyi və Mübahisələr: destek@carent.az
• Rəsmi Sayt: https://carent.az
• Əlaqə Nömrəsi: +994 70 984 85 81